ETXEBIZITZA-KOOPERATIBA Barrenkalea 10-18

Arkitektoa: F. Basterra. 1934

Bizkaian egindako azkenetariko "etxe merkeak" dira. 1911tik, horrelako etxebizitzez ostatutako 40 multzo eraiki ziren, "nork bere etxea" dei genezakeen ideologiari jarraiki.

Horrelako etxebizitza-multzo asko bezala, kooperatiba-erregimenean eraiki zuten honako hau ere, herriko industria batetik hurbil. Bina bizitzako lau etxe dira, ilaran jarriak. Beste batzuek ez bezala, etxe-multzo honek nolabaiteko izaera monumentala du bai bi isurialdeko estalki bikainagatik eta bai arku-formako ataripeagatik. Etxe bakoitzak horrelako ataripea du erdian, bi etxebizitzak elkartzen diren tokian. Arkupe horrek, bestetik, euskal baserri-mota bat gogorazten du.