Arkitektoak: M.M. eta J.C. Smith. 1948

Bizitza bakarreko etxea da, oso konplexua bai barrualdean eta bai kanpoaldean. Orube handi batean dago, udaletxearen aurrean. Errepidetik hurbil eraiki zutenez, oso leku zabala geratu zen lorategi pribatua egiteko. Etxearen fatxadarik formalena eta simetrikoena alde horretan dago. Dena dela, barruko oinplanoa ez da atzeko fatxada hori ikusita pentsa litekeen bezalakoa. Kalera ematen duen fatxada dugu informalena eta pintoreskoena.

Sotoa, bi solairu eta ganbara ditu, eta L formako oinplanoa. L-aren adar laburraren gainean daude etxe honek dituen sarrera ugariak. Hain zuzen ere, sarreren ugaritasuna da etxeak duen berezitasun nagusia, solairu eta alde bakoitza ia modu bereizian erabiltzea ahalbidetzen baitu.

Nabarmendu beharrekoak dira "neo-vasco" estiloaren gerraosteko erabilera eta Aginaga arkitektoak geroago eta ia dekorazio-arloan soilik egin zuen lan bikaina.