ERTZILLAKO GARAIA Santa Marina auzoa
IURRETA

XVI

1665etik ezaguna, EITBren egoitzara daraman errepidearen aldamenean dago. 1986-87an zaharberritu egin zuten. XVII. mendetik aurrera baserriak handitu egin ziren eta, horren eraginez, mota horretako biltegi gehienak desagertu ziren Bizkaian. Ertzilla Haundie baserriaren lurretan dago. Baserri horren itxura formala, ordea, 1880eko obra bati dagokio. Gaur egun, baserria guztiz hondatuta dago, eta horrek areago nabarmentzen du garaiaren irudi erromantikoa.

 

SAN MIGEL PLAZA San Migel plaza
IURRETA

A. de Miranda, 1801


Baserri-ingurua, Alejo de Mirandak urbanizatua elizako nabearen, dorrearen eta eliz atariaren arkitektura indartsuaren bidez. Eliz atariak frontoia eta erdi-puntuko arkuak ditu. Interbentzio neoklasiko horrekin azken ukitua eman zion plaza eratzen duen multzoari. Honako eraikin hauek daude plazan: egungo udaletxea, Goikolea jauregi zaharra (1630 ing., C. Sanmiguelek arestian zaharberritua), apaizetxea, 1739ko jauregi aglomeratu bat eta etxetzar batzuk. Elizaren oinplanoa Ventura Rodríguezek Larrabetzurako sortutako ereduari jarraitzen zaio, angeluzuzen baten barruan gurutze greko bat jarrita espazioa bateratzeko. Dorre sendoa 1833an egin zuten, jatorrizko irudia errespetatuz, eta plazaren eta herriaren pertsonalizazioa burutzen du bere bertikaltasun- kontrapuntuarekin.