ANDRE MARIA IDIBALTZAGAKOAREN ELIZA Elexalde auzoa

Egile ezezaguna. XVI
Arkitektoa: E. Etxaniz. 1816
Arkitektoa: S. Enparan. 1820arrio Elexalde

 

Jatorrizko nabea 1550 ingurukoa da. 1816an, Etxanizek koloma toskanarren gainean bermatutako ganga trenkatuz hornitu zuen. Lan neolkasiko hori egiteko portada eraitsi behar izan zuen. Horrek guztiak kolomekiko eliza errenazentista baten aurrean gaudelako uste okerra eragiten du. Apaindura gutxiko eraikin manierista da ordea. Pilastren artean kokatutako erdi-puntuko arkuak San Pedro eta San Pabloren medailoiak ditu arkuarteetan. Dorrea XVII. mendeko lan barrokoa da. Sakristia, berriz, S. Enparanek egin zuen 1820an.

Esparru berean, San Antonio Abadearen eta San Antonio Paduakoaren gurutze-tokia dago (Juan Arrien, 1730-32). Oinplano angeluzuzena dauka, absidean estuagoa. Tipologia ezaguneko garaipen-arku baten azpitik sartzen da absidera. Bi berezitasun nagusi ditu: atari ikaragarri sakona eta sarrera ixten duen burdinesi bikaina.

Elizak, gurutze-tokiak eta inguruko etxeek multzo paregabea osatzen dute.